Mustafi nuk ftohet për Botëror nga Gjermania

Qendërmbrojtësi shqiptar i Arsenalit dhe Gjermanisë, Shkodran Mustafi është në mesin e disa lojtarëve që kanë mbetur jashtë listës së trajnerit të kombëtares gjermane, Joachim Low, transmeton albinfo.ch.

Mustafi ka kaluar një sezon jo të mirë këtë vit tek Arsenali. Ai është kritikuar shpesh për gabime që i kanë kushtuar skuadrës së tij. Dhe duket se kritikat e marra kanë bërë që Low të mos e ftojë Mustafin.

Por ish-trajneri i Arsenalit, Arsene Wenger ditë më parë i ka dalë në mbrojtje Mustafit, duke thënë se ai është ende e i ri dhe ka potencial që të bëhet ndër më të mirët.

Pos Mustafit që ishte pjese e skuadrës që fitoi Botërorin në vitin 2014 jashtë listës së Lowit kanë mbetur edhe Emre Can i Liverpoolit dhe Mario Gotze i cili pati shënuar golin e fitores në lojën shtesë kundër Argjentinës.

Kjo është lista e plot e Gjermanisë:

Portierë: Manuel Neuer (Bayern), Marc-André ter Stegen (Barcelona), Bernd Leno (Bayer Leverkusen), Kevin Trapp (PSG).

Mbrojtës: Jerome Boateng (Bayern), Mats Hummels (Bayern), Niklas Sule (Bayern), Joshua Kimmich (Bayern), Antonio Rudiger (Chelsea), Jonas Hector (Koln), Marvin Plattenhardt (Hertha BSC), Jonathan Tah (Bayer Leverkusen), Matthias Ginter (Borussia Monchengladbach)

Mesfushorë: Julian Brandt (Bayer Leverkusen), Julian Draxler (PSG), Leon Goretzka (Schalke), Ilkay Gundogan (Manchester City), Sami Khedira (Juventus), Toni Kroos (Real Madrid), Mesut Ozil (Arsenal), Marco Reus (Borussia Dortmund), Sebastian Rudy (Bayern), Leroy Sane (Manchester City)

Sulmues: Thomas Muller (Bayern), Timo Werner (RB Leipzig), Mario Gomez (Stuttgart), Nils Petersen (Freiburg).