Ndahet “Çmimi i Flamurit kuq e zi” për fëmijë

Fëmija që do të ngjyroste më së miri Flamurin, nëse ishte djalë do të fitonte çmimin e Flamurit me shqiponjë "Mbreti Agron" ndërsa po të ishte vajzë do të fitonte çmimin e Flamurit me shqiponjë "Mbretëresha Teutë"

Mbrëmë patëm kënaqësinë të ishim pjesë e një mbrëmbjeje të organizuar nga Zonja Zhuniqi në Geroldswil.

Në këtë mbrëmbje u vunë në pah shumë vlera shoqërore dhe projekte integruese e madhore.

Këtë organizim të zonjës Zhuniqi, shkrimtarja Hava Kurti Krasniqi e cila jeton në Cyrih të Zvicrës e përshëndeti edhe me një aktivitet që u zhvillua për herë të parë ndër shqiptarët: ajo ndau çmimin e Flamurit për fëmijë. Aktiviteti u shtjellua ashtu që Flamuri i vizatur iu nda fëmijëve më shumë se 50 fëmijë nga mosha të ndryshme që ishin ata , duke filluar nga moshat dy e tre vjecare deri 11 e 12 vjeçare

Kushti për të fituar një çmim ishte ngjyrosja e bukur dhe me përkushtm e Flamurit. Fëmija që do të ngjyroste më së miri Flamurin, nëse ishte djalë do të fitonte çmimin e Flamurit me shqiponjë “Mbreti Agron” ndërsa po të ishte vajzë do të fitonte çmimin e Flamurit me shqiponjë “Mbretëresha Teutë”.

Realizimi i këtij aktiviteti kumboi këndshëm në zemrat e të pranishmëve, por edhe në gishtërinjtë e dashurinë e fëmijëve.

Ishte kënaqësi t`i shihje mes gishtërinjve të tyre ngjyrat kuq e zi mbi flamurin kombëtar.

E pyetur nga albinfo.ch rreth idesë për këtë aktivitet, ideatorja thotë se “si pedagoge dhe animatore, e më së shumti si atdhetare ka një vit që kjo ide po më sillet ndërmend. E kisha menduar ta realizoj në një shkollë por e ftuar në projektin integrues në Geroldswil, që u realizua me shumë sukses, unë mendova ta nderoj këtë takim edhe me këtë aktivitet. Ishte diçka e bukur, e shenjtë, diçka që të mallëngjen dhe të bën krenare, një dritë shekujsh po dridhej në duart e mërgimtarëve të vegjël. Të gjithë ishin të entuziazmuar, unë fëmijët , dhe më së shumti kori i grave “Lyra”, të cilat i zgjodha si juri të këtij aktiviteti. Edhe mbesa ime ka qenë pjesë e këtij aktiviteti por unë nuk u kam treguar jurisë se ajo është mbesa ime”, thotëznj. Krasniqi.