Nderohen viktimat e atentatit racist që ndodhi në vitin 2016 në qytetin e Mynihut

foto/ konsullata e pergjithshme e Kosoves

Konsullata e Përgjithshme e Republikës së Kosovës, në nderim të viktimave të atentatit racist të 22.07.2016 në Mynih, ku në mesin e viktimave ishin edhe tre të rinjë nga Kosova,  janë vendosur lule pranë memorialit të tyre, përcjellë albinfo.ch.

Në mesin e të pranishmëve, përveç familjarëve të viktimave ishin edhe përfaqësues të institucioneve të Mynihut, dhe vet kryetari i komunës, Dieter Reiter.

Ky është njoftimi i plotë i konsullatës:

Në nderim dhe përkujtim të viktimave të atentatit racist të 22.07.2016 në Mynih, me ç’rast në mesin e 9 viktimave ishin edhe 3 të rinjë nga Kosova, Konsullata e Përgjithshme e Republikës së Kosovës në këtë përvjetor të katërt vendosi një kurorë lulesh dhe bëri nderime pranë memorialit të të rënëve.
Në mesin e të pranishmëve përveç familjarëve të viktimave, ishin edhe përfaqësues të institucioneve të qytetit të Mynihut edhe vet kryetari i komunës z. Dieter Reiter, i cili e mirëpriti kërkesën e Konsullit të Përgjithshëm z. Nura për një integrim më të madh të konsullatës në manifestime dhe përkujtime të tilla.

Në bisedë me familjet Segashi dhe Zabërgja, Konsulli i Përgjithshëm z. Afrim Nura në emër të konsullatës dhe institucioneve të Kosovës shprehu edhe njëherë ngushëllimet e sinqerta për humbjen e më të dashurve të tyre.

Ndërsa duke filluar nga ora 17 pikërisht në vendin e ngjarjes do të mbahet edhe ceremonia përkujtimore në bashkorganizim me Këshillin e Migrantëve, qytetin e Mynihut dhe Konsullatën e Përgjithshme të Turqisë.