Ndihma zvicerane për parandalimin e hyrjeve ilegale

Zvicra duhet të dërgojë ekspertë të saj në vendet prej nga vijnë valët më të mëdha të azilkërkuesve

Nevoja për ndërprerjen e hyrjeve ilegale në Zvicër ka shtyrë autoritetet zvicerane të mendojnë një mënyrë të re të veprimit. Zvicra, sipas një raporti të drs.ch duhet të dërgojë njerëz të saj profesionistë në vendet prej nga vijnë　valët më të mëdha të azilkërkuesve.

Ata do të ndihmonin autoritetet dhe kompanitë ajrore në aeroportet e vendeve të përmendura në kontrollimin e pasaportave dhe të personave në aeroportet përkatëse. Kështu ata do të parandalonin udhëtimin ilegal në Zvicër të shtetasve të atyre vendeve.

Sipas raportit, vende tjera anëtare të Zonës së Shengenit punojnë prej vitesh me këshilltarë të tillë dhe kanë nxjerrë një bilanc pozitiv nga kjo punë.