Ndryshimi i klimës: Raporti paralajmëron ndikim në rritje në jetën e SHBA

Ndryshimi i pakontrolluar i klimës do të kushtojë qindra miliardë dollarë amerikanë dhe do të dëmtojë shëndetin e njeriut dhe cilësinë e jetës, paralajmëron një raport i qeverisë amerikane, shkruan BBC, përcjell Albinfo.ch.

“Rreziqet e ardhshme nga ndryshimet klimatike varen … nga vendimet e marra sot”, thotë Vlerësimi i Katërt Kombëtar i Klimës.

Raporti thotë se ndryshimi i klimës “paraqet sfida në rritje për shëndetin dhe sigurinë njerëzore, cilësinë e jetës dhe normën e rritjes ekonomike”.

Paralajmërimi është në kundërshtim me agjendën e burimeve fosile të administratës Trump.

Shkencëtarët kryesorë në botë pajtohen se ndryshimet klimatike janë të nxitura nga njerëzit dhe paralajmërojnë se luhatjet natyrore të temperaturës po përkeqësohen nga aktiviteti njerëzor.

‘Humbjet vjetore në qindra miliarda’

Vlerësimi i klimës i SHBA – i hartuar me ndihmën e shumë agjencive dhe departamenteve të qeverisë amerikane – përshkruan ndikimet e ardhshme të ndryshimeve klimatike në çdo sektor të shoqërisë amerikane, shkruan BBC, përcjell Albinfo.ch.

“Me rritjen e vazhdueshme të emetimeve në normat historike, humbjet vjetore në disa sektorë ekonomik parashikohen të arrijnë qindra miliarda dollarë deri në fund të shekullit – më shumë se produkti aktual i brendshëm bruto (PBB) i shumë shteteve amerikane,” raporti thotë.

Raporti vëren se efektet e ndryshimeve klimatike tashmë janë duke u ndjerë në komunitetet anembanë vendit, duke përfshirë edhe ngjarjet më të shpeshta dhe intensive të motit ekstrem dhe klimës.

Por ajo thotë se parashikimet e katastrofës së ardhshme mund të ndryshojnë nëse shoqëria punon për të reduktuar emetimet e gazrave serrë dhe “të përshtatet me ndryshimet që do të ndodhin”.