Lajme
Në fjalimin e tij të lamtumirës, Trump i uron suksese Bidenit
Në një prononcim të fundit për mediat amerikane, presidenti i SHBA-së në largim, Donald Trump, do të mirëpresë administratën e re në fjalimin e tij lamtumirës që do të transmetohet sonte vonë.
“Këtë javë ne do të inaugurojmë administratën e re dhe ne lutemi për suksesin e saj në mbajtjen e Amerikës të sigurt dhe të prosperuar”, tha Trump në një video-mesazh, pjesë të së cilës u botuan nga Shtëpia e Bardhë dhe që do të transmetohet sonte vonë, raporton AP, përcjell albinfo.ch.
Po ashtu, ai tha se të gjithë amerikanët janë të tmerruar nga sulmi në Capitol Hill më 6 janar, ku pati edhe të vdekur.
“Dhuna politike është një sulm ndaj gjithçka që ushqejmë si amerikanë. Kjo nuk mund të tolerohet kurrë“, tha Trump në pjesën e fjalimit që do të transmetohet një ditë para inaugurimit të demokratit Joseph Biden.
Trump gjithashtu do t’u referohet ngjarjeve në Lindjen e Mesme dhe do të thotë, siç raportohet, se ai është presidenti i parë amerikan që nuk filloi luftëra të reja.
“Tani që jam duke u përgatitur t’i dorëzoj pushtetin administratës së re, nesër në mesditë, dua që ju të dini që agimi ka lindur në Lindjen e Mesme të re dhe se ushtarët tanë po kthehen në shtëpi. Unë jam veçanërisht krenar, sepse unë jam presidenti i parë amerikan në dekadat e fundit që nuk fillova luftëra të reja”, transmeton AP fjalët, të cilat Trump do t’i japë në video-mesazh.
Presidenti në largim i Shteteve të Bashkuara pritet gjithashtu të njoftojë se ai shpreson të mbetet një lojtar i fuqishëm në skenën politike shumë kohë pasi u largua nga Shtëpia e Bardhë, raportojnë mediat amerikane.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën