Lajme
Në Panairin ndërkombëtar në Poloni promovohen verërat e Kosovës
![](https://www.albinfo.ch/wp-content/uploads/2021/11/252542656_2975125039369225_6043311874951492533_n.jpg)
Po mbahet që nga dje Panairi ndërkombëtar në Poloni, ku shumë shtete të botës mund t’i promovojnë verërat, përfshirë edhe Kosovën, shkruan albinfo.ch.
Sipas një njoftimi nga Kosovo Investment and Enterprise Support Agency – KIESA. MINT ua mundëson kompanive të Kosovës t’i promovojnë verërat në panairin ndërkombëtar në Poloni.
Ministria e Industrisë, Ndërmarrësisë dhe Tregtisë (MINT), përkatësisht Agjencia për Investime dhe Përkrahjen e Ndërmarrjeve në Kosovë (KIESA), ka organizuar paraqitjen shtetërore të gjashtë kompanive kosovare të verës në Panairin ndërkombëtar të verës “Enoexpo” që po mbahet në Krakow të Polonisë nga data 03 nëntor 2021.
Kompanitë kosovare pjesëmarrëse në këtë panair: “Kosova Wine” Sh.P.K, “FlexoGraf” Sh.P.K, N.T.P. “Daka”, “Bodrumi i Vjetër” Sh.P.K, N.T.P. “Sefa”, N.P.T. “Muja”, po prezantojnë produktet e tyre, si: pije alkoolike, vera, raki dhe folie materiale për ambalazhimin e produkteve të ndryshme.
Njëherësh kompanitë vendore së bashku me përfaqësuesit e KIESA-s po zhvillojnë kontakte me kompanitë pjesëmarrëse, blerës, distributorë dhe agjent shitjesh nga anembanë bota me qëllim të krijimit të bashkëpunimit.
Shtandi i Kosovës po vizitohet nga vizitorë të shumtë të cilët po njoftohen nga afër me produktet e kompanive kosovare si dhe po degustojnë verërat kosovare.
Panairi “Enoexpo” njihet si ngjarje e rëndësishme në industrinë e verës, në të cilin marrin pjesë biznese nga vende të ndryshme të botës dhe vizitohet nga një numër i madh i vizitorëve, blerësish, distributorësh dhe agjentë shitjesh.
MINT/KIESA për kompanitë vendëse ka siguruar hapësirë ekspozuese prej 98 m2, që gjendet në: sallën Dunaj, shtandi nr. E32.
Panairi “Enoexpo” është i hapur deri më 5 nëntor 2021.
Të ngjashme
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n