Sport
Në Prishtinë fillon Evropiani i Basketbollit U20 për Femra
Dje ka filluar Kampionati Evropian i Divizionit B, për femra U20, në Prishtinë.
Ndeshjet e para janë zhvilluar nga ora 16:30, derisa më pas është zhvilluar ceremonia hapëse, përcjell albinfo.ch.
Sic ka njoftuar FBK, në këtë ceremoni, kryeministri i Kosovës, Ramush Haradinaj, është shprehur se, Kosova po dëshmon në organizime të ngjarjeve të mëdha, siç është Evropiani në Prishtinë, derisa ka falenderuar edhe Federatën e Basketbollit të Kosovës për këtë organizim.
Sekretarja e Përgjithshme e FBK-së, Elvira Dushku, ka deklaruar se, është privilegj për Federatën që organizojnë një Kampionat të tillë. Dushku po ashtu tha se ky Evropian është shumë i rëndësishëm për basketbollin e Kosovës, sidomos atë të femrave. Në ceremoni ka qenë i pranishëm edhe ambasadori amerikan në Prishtinë, Philip Kosnett, personalitete nga Komiteti Olimpik i Kosovës dhe të tjerë.
Më pas Kampionatin e ka hapur zyrtarisht Winfried Gintschel, i deleguari nga FIBA.
“Ndërkohë, Kosova U20 ka zhvilluar një ndeshje fantastike përballë Turqisë, edhe pse në fund pësoi 87:49. Vashat e Kosovës janë shumë më të reja dhe synojnë të fitojnë përvojë nga ky Evropian. Tringa Ukaj ka shënuar 15 pikë e nëntë kërcime, derisa Astera Tuhina shënoi nëntë, Fjolla Ajeti tetë dhe Besjana Martinaj gjashtë. Vashat kanë pasur përkrahje edhe nga një numër i madh i tifozëve”, thuhet tutje në njoftimin e FBK-së.
Në takimet tjera, Finlanda ka mundur Greqinë 79:55, Kroacia mundi Islandën 76:55 dhe Irlanda mposhti Ukrainën 63:53. Kampionati do të vazhdojë deri më 11 gusht, kur është ceremonia mbyllëse dhe finalja e madhe, përcjell albinfo.ch.
Të ngjashme
Të tjera nga Sport
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane