Në QKUK brenda këtij viti lindën dy fëmijë me gjini të paidentifikuar

Kjo foshnje që nuk i dihet gjinia po qëndron në kujdensin intensiv

Të hënën në Klinikën e Gjinekologjisë në QKUK në Prishtinë ka lindur një foshnjë, të cilës nuk i dihet ende gjinia, shkruan Gazeta Blic. Për këtë, në një konferencë për medie, Drejtori i Neonatologjisë në QKUK, Xhevdet Gojnovci, ka thënë se foshnja e cila tashmë ka 32 javë, gjendet në kujdesin intensiv.

“Në kujdesin intensiv është pranuar një foshnjë, e cila ka lindur para kohë me peshë 995 gram. Është pranuar në kujdesin intensiv dhe është duke u trajnuar si Syndroma Hyperplasia e gjëndrës mbiveshkore”, tha ai, përcjell albinfo.ch.

Përveç kësaj, Gojnovci tha se ky nuk është rasti i parë i këtij viti. Shtoi se në QKUK gjatë këtij viti është pranuar edhe një foshnjë me këtë sindromë.“Ky është rasti i dytë këtë vit me këtë sindromë e cila u jep ndryshime gjenitale”, tha ai.“ Ka ndryshime gjenetike kromozinale. Ato mund të jenë ndryshime hormonale nga mu kjo gjëndër”, tha ndër të tjera ai.

Ai ka folur edhe për gjendjen shëndetësore të foshnjës.“Nëse vërtetohet sindroma, atëherë me terapi gjithçka do të shkojë mirë. Për momentin, pasi është para kohe, foshnja është duke u trajtuar në intensivë me terapi normale”, tha ndër të tjera ai.

---