Në Shqipëri 34 të infektuar të rinj me Covid-19

Ministria e Shëndetësisë dhe Mbrojtjes Sociale së Shqipërisë, ka bërë të ditur se nga rezultatet e testimeve në 24 orët e fundit janë konfirmuar 34 raste pozitive me KOVID-19, duke e çuar numrin e të infektuarve në 712.

Nga Instituti i Shëndetit Publik thonë se gjatë 24 orëve të fundit janë testuar 247 persona të dyshuar me KOVID-19.

Lidhur me rastet e tjera të identifikuara në 24 orët e fundit, 6 raste janë në Kukës, 4 raste në Tiranë, 2 raste në Kurbin, 1 në Lushnje, 1 rast në Berat dhe 1 rast i importuar nga Greqia, i identifikuar gjatë qëndrimit në karantinë në Përmet, i cili aktualisht po trajtohen në spitalin infektiv në Tiranë.

Harta e të prekurve nga KOVID-19 shtrihet në Mat dhe zgjerohet në Krujë, Tiranë, Kukës, Kurbin, Berat, Fier, dhe Lushnje.

Shpërndarja gjeografike e rasteve pozitive, është si vijon:Tiranë 289 raste, Shkodër 103 raste, Krujë 83 raste, Durrës 42 raste, Fier 37 raste, Kurbin 31 raste, Korçë 19 raste, Elbasan, Kukës 18 raste, Lezhë dhe Has 14 raste, Kavajë 9 raste, Lushnje 7, Vlorë 6, Pukë dhe Mirditë 5 raste, Rrogozhinë dhe Tropojë 4, Berat 3 raste, Mallakastër dhe Mat nga 1 rast.

---