Koronavirusi: çast pas çasti

Austri: “Ne vërtet kemi një problem, e mundshme zgjatja e bllokimit”

Bllokimi i koronavirusit të Austrisë – aktualisht i vendosur të përfundojë më 25 janar – mund të zgjatet për shkak të kërcënimit që paraqet mutacioni i koronavirusit, përcjell albinfo.at.

Ministri austriak i Shëndetësisë, Rudolf Anschober, tha të mërkurën se vendi po hynte tani në “fazën më të vështirë të pandemisë” për shkak të mutacionit të koronavirusit, i cili u zbulua për herë të parë në Mbretërinë e Bashkuar.

“Ne me të vërtetë kemi një problem”, tha Anschober për ORF Report. Anschober tha se qeveria ishte vendosur të përfundonte “analizë shumë të saktë” këtë javë për të shqyrtuar nëse do të zgjaste më tej bllokimin.

Ministri i Shëndetësisë tha se do të ishte “krejtësisht e papërgjegjshme, në funksion të faktit se mund të ketë gjithashtu një përhapje (të variantit të ri të virusit) në vendin tonë, për t’iu përmbajtur planeve të vjetra”.

Ai tha se autoritetet po konsideronin rregulla më të rrepta, duke përfshirë një kërkesë të detyrueshme të maskës FFP2.

“Ky mutacion i virusit britanik po përhapet në të gjithë kontinentin në një mënyrë alarmante”, shtoi Anschober, përcjell tutje albinfo.at.


LAJME INTERESANTE NGA INTERNETI