Në Zvicër votuan 113 qytetarë të Maqedonisë, 100 PËR ndryshimin e emrit

Për Referendumin për ndryshimin e emrit të Maqedonisë, u votua edhe në ambasadën e vendit tonë në Bernë të Zvicrës.

Nga gjithsejtë 321 qytetarë të regjistruar, 113 kanë votuar për, njoftoi ekskluzivisht, Halim Hyda, Kryetar i Komisionit Zgjedhor në Zvicër, njëherësh edhe Ushtrues detyre, Ambasador i Maqedonisë në Zvicër, shkruan albinfo.ch.

“Votimi krejt ka shkuar në rregull dhe ka qenë në nivel. Nuk janë regjistruar asnjë incident dhe parregullsi, qytetarët kanë qenë të kujdesshëm në votim. Për të votuar 321 qytetarë Maqedonisë janë regjistruar, vetëm 113 kanë votuar, 100 PËR, 10 Kundër dhe 3 të Pavlefshme”, tha në deklaratën, Halim Hyda, Kryetar i Komisionit Zgjedhor në Bernë.

Ndryshe komisioni është përbërë nga shtatë anëtarë, tre punonjës nga ambasada në Bernë, një nga misioni në Gjenevë dhe dy anëtarë kanë ardhur nga Maqedonia.