E-Diaspora
Nëna e Rita Orës, Vera flet për familjen dhe shpërnguljen nga Kosova
Në këtë intervistë, Vera ka folur për sfidat që familja Ora i kishte kaluar pas shpërnguljes në Britani nga Kosova
Nëna e Rita Orës, Vera ishte e ftuar në një emision televiziv në Britani të Madhe, ku ndër të tjera foli për karrierën e saj, betejën me kancerin e gjirit, angazhimin në një projekt të reklamimit të linjës së re të rrobave të banjës për femrat pas mastektomisë, vajzën e saj superyll Rita Ora dhe shpërnguljen nga Kosova në Britani të Madhe.
E pyetur se si ndihet me suksesin që Rita e ka arritur në botë dhe se si ndihet ajo si nënë e një superylli, Vera tha: “Unë vazhdoj ta shoh Ritën si vajzën time të vogël, sepse nuk mund ta shikoj ndryshe dhe mendoj si nënë, kjo gjë për mua s’ka ndryshuar kurrë. Dhe, më pëlqen shumë ta shoh atë duke bërë atë që i pëlqen më së shumti. Për mua të gjithë fëmijët e mi janë të njëjtë. Unë nuk e shoh atë si superyll, por të tre fëmijët e mi i shoh të barabartë, si Rita, si Elena, si Doni, dhe kështu funksionojnë gjërat në familjen tonë. Të gjithë fëmijët i trajtoj njësoj”, është shprehu ajo, përcjell albinfo.ch.
Vera, po ashtu, tregoi se kur ajo përgatit ushqimin për gjithë familjen dhe Rita është aty, bukuroshja me famë botërore prapë se prapë duhet t’i kryejë obligimet e saj rreth shtëpisë, t’i lajë enët apo ta pastrojë tavolinën.
Në këtë intervistë, Vera ka folur për sfidat që familja Ora i kishte kaluar pas shpërnguljes në Britani nga Kosova.
“Historia jonë dhe përjetimet tona e kanë ndryshuar perspektivën se si ne e shohim jetën në familjen tonë dhe unë jam munduar shumë ta mësoj gjuhën sa më shpejt, dhe duke qenë nga një doktoreshë në vendlindje kur erdha këtu ndihesha si asgjë, por fatmirësisht isha nënë dhe kjo është gjëja më e rëndësishme për mua. Prandaj, jam e lumtur që i kisha kaluar disa vjet duke qëndruar në shtëpi me fëmijët dhe duket e perfeksionuar gjuhën”.
Të ngjashme
Të tjera nga E-Diaspora
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Rritet vjedhja e biçikletave elektrike në Zvicër Në vitin 2023, kantoni i Basel-Stadt kishte incidencën më të lartë të biçikletave të vjedhura, me...
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’