Nënvarianti i Covidit po përhapet me shpejtësi

Qendrat për Kontrollin dhe Parandalimin e Sëmundjeve (CDC) njoftuan më 31 dhjetor se një formë e re e nënvariantit Omicron është bërë një nga më dominuesit.

I njohur si nënvarianti XBB.1.5 Omicron, ky variant i ri i virusit i ka shqetësuar ekspertët për një valë të ardhshme infeksionesh të reja.

Qendra për Kontrollin dhe Parandalimin e Sëmundjeve zbuloi se nënvarianti i ri përbënte rreth 40.5% të të gjitha infeksioneve të njohura në Shtetet e Bashkuara, përcjell albinfo.ch.

Për fat të mirë, nuk duket të jetë më vdekjeprurës se çdo formë e mëparshme e COVID-19, sipas një interviste të CBS News me drejtoreshen e CDC, Barbara Mahon.

Mahon shtoi se shkencëtarët ende nuk dinë shumë për XBB.1.5 dhe gjëja më e rëndësishme është se vërtet nuk kuptohet nëse është më ngjitës se format e mëparshme të COVID-19, shkruan KosovaPress.

XBB, varianti kryesor nga i cili rrjedh varianti XBB.1.5, është zbuluar në të paktën 35 vende sipas Organizatës Botërore të Shëndetësisë dhe ishte përgjegjës për një numër valësh COVID-19 në tetor të vitit 2022.

---