Lajme
Zvicër: Futbolli me prani të publikut duhet të presë deri në shtator
Vendimin për këtë e ka marrë të mërkurën Këshilli Federal në kuadrin e hapave për zbutjen e mëtejme të masave kundër koronavirusit
![](https://www.albinfo.ch/wp-content/uploads/2018/04/341217250-587x392.jpg)
Nga 6 qershori do të lejohen sërish aktivitetet me deri në 300 njerëz, ku përfshihen edhe ngjarjet sportive, shkruan srf.ch.
Vendimin për këtë e ka marrë të mërkurën Këshilli Federal në kuadrin e hapave për zbutjen e mëtejme të masave kundër koronavirusit, që i ka kumtuar sot para publikut.
Po kështu, Qeveria Federale premton se edhe ngjarjet me deri në 1000 spektatorë do të jenë të mundura nga 24 qershori.
Por, aktivitetet e ndryshme të mëdha, përfshirë edhe ato sportive, me më shumë se 1000 spektatorë janë të ndaluara deri në fund të gushtit, transmeton albinfo.ch. Kjo çështje ka qenë objekt i spekulimeve të ndryshme, pasi që i deleguari i BAG, Daniel Koch, pak ditë më parë kishte thënë se ndeshjet e futbollit, me publik do të jenë të mundura që në korrik.
E pyetur për këtë, ministrja e Drejtësisë, në konferencën me gazetarë sot në Bernë është përgjigjur shkurt: “Është Këshilli Federal ai që merr vendimet”.
Me vendimin e sotëm ka rënë edhe kufizimi për restorantet, i cili parashikonte uljen në tryezë maksimalisht të katër personave, përcjell albinfo.ch. Kushti tani është që restorantet të kenë koncepte mbrojtjeje ashtu që kontaktet personale të mund të gjurmohen në rastet kur nuk mund të respektohen rregullat e mbajtjes së distancës.
Të ngjashme
Të tjera nga Lajme
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani, ministrja e Industrisë, Ndërmarrësisë dhe Tregtisë, Rozeta Hajdari, së bashku me Kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë