Bashkimi i partive shqiptare, motivon kthimin për të votuar

Sead Nikaj, i cili jeton dhe vepron në Shtetet e Bashkuara të Amerikës, ka ardhur në Tuz për të marrë pjesë në zgjedhjet lokale.

Ai këtë e ka bërë pas bashkimit të forcave shqiptare në këtë vend që ka rritur mundësinë që ata ta fitojnë udhëheqjen e komunës.

Tuzi është komunë me shumicë shqiptare dhe është krijuar vitet e fundit nga qeveria e Malit të Zi si njësi komunale më vete.

Nikaj ka thënë për TV Ora News se hyrja e tij në aeroport është shoqëruar me incident, për shkak se ai bëri simbolin e shqiponjës. “Unë kam ardhur për të votuar, pasi partitë tona u bashkuan pas disa dekadash. Hapin e parë e bënë vendësit. Po kryejmë obligimin që kemi ndaj Tuzit”, ka thënë ai.