Ngrihet për herë të parë flamuri shqiptar në qendrën e NATO-s në Itali

Në Qendrën e Dislokueshme të Komandim Kontrollit Ajror ( DACCC) të NATO-s, në Itali u ngrit sot flamuri shqiptar.

Ministria e Mbrojtjes së Shqipërisë ndau foto nga kjo ceremoni, teksa theksoi se flamuri kuq e zi u ngrit për herë të parë, për të nderuar 111-vjetorin e Pavarësisë së Shqipërisë në Qendrën e Dislokueshme të Komandim Kontrollit Ajror ( DACCC) të NATO-s, në Poggio, Renaticio, Ferrara, në Itali, përcjell albinfo.ch.

Ministria e Mbrojtjes e cilësoi përfaqësim dinjitoz të forcave tona, në të gjitha misionet përkrah vendeve partnere.

---