Nis vlerësimi i performancës së mësimdhënësve në Kosovë

Rreth 217 mësimdhënës do t’i nënshtrohen vlerësimit të performancës nga Ministria e Arsimit.

Vlerësimi i performancës ka nisur që nga sot, ka bërë të ditur ministri i arsimit, Shyqyri Bytyqi.

“Janë bërë të gjitha përgatitjet, krejt qëllimi i këtij vlerësimi të performancës është të ngrihet cilësia në arsimin parauniversitar, të gjithë mësimdhënësit duhet të kenë një përgatitje të lartë”, ka thënë ministri Bytyqi.

Mësimdhënësit do t’u nënshtrohen katër metodave në kuadër të këtij vlerësimi, ku njëra nga to është edhe vëzhgimi në orët mësimore nga inspektorët e Arsimit.

Rreth 21 inspektorë do të jenë pjesë e këtij vlerësimi, i cili ka nisur në rajonin e Prishtinës, Prizrenit, Pejës, Gjakovës e Mitrovicës.