Një i vdekur e tre të lënduar në aksidentin tragjik në Ferizaj

Një 43 vjeçar ka vdekur pas një aksidenti të trafikut në Ferizaj.

Mëngjesi i sotëm ka rezultuar të jetë tragjik për 43-vjeçarin D.F nga Ferizaj i cili ka vdekur në një aksident trafiku që ka ndodhur rreth orës  04.25 minuta,  në “Rr. Rexhep Bislimi”, në afërsi të udhëkryqit të magjistrales Ferizaj – Gjilan.

Në këtë aksident sipas policisë lëndime trupore por që janë jashtë rreikut për jetën kanë pësuar edhe tre persona tjerë të cilët janë derguar për kurim në QKUK në Prishtinë.

“Hetimet e para të hetuesve të Njësitit Rajonal të Trafikut Rrugor  nga vendi i ngjarjes, thonë se deri te aksidenti ka ardhur, kur vetura me targa të Republikës së Serbisë, të cilën po e ngiste A.S. (41 vjeç) nga Bujanovci, që po  qarkullonte  nga magjistralja  Ferizaj-Kaçanik, në tentim të kyçjes në rrugën kryesore, goditet nga vetura e tipit “Audi” me targa vendore, të cilën po e ngiste tashmë i ndjeri, (D.F.)”, thuhet në njoftimin e policisë.

Po ashtu bëhet e ditur se trupi i pajetë është dërguar  për autopsi në Institutin e Mjekësisë Ligjore në Prishtinë.