Një kartolinë nga Gjirokastra

"Të huajt që kanë kaluar nëpër këtë vend të vogël, gjatë 2000 viteve, kanë përjetësuar veten në tablotë e qyteteve, në kështjellat, tempujt, kishat dhe xhamitë"

“Kushdo që udhëton nëpër vendin e shqiptarëve – “Land der Skipetaren”, siç e quan autori, Walter Brehm, redaktor i jashtëm i gazetës St.Galler Tagblatt – sheh shumëçka në mes të nisjes dhe dëshpërimit; në mes migrimit drejt Evropës dhe shpresës se Evropa po vjen në Shqipëri.

Nëpër këtë vend të vogël, gjatë 2000 viteve të shkuara kanë lëvizur duke filluar me grekët, pastaj romakët, osmanët e deri te fashistët italianë, pothuajse të gjitha fuqitë luftarake të Evropës. Ata të gjithë kanë përjetësuar veten në tablotë e qyteteve, në kështjellat, tempujt, kishat dhe xhamitë, transmeton albinfo.ch.

Ngado të shikosh, sheh se punohet me zell rreth përmendoreve kulturore, në ndërtimin e një infrastrukture turistike. Gjirokastra është vetëm një shembull për atë se çfarë ka për të ofruar Shqipëria nga kultura e saj e pasur.

Qyteti i lindjes i diktatorit Enver Hoxha është veç kësaj, një vend i sinqertë. Në muzeun e Gjirokastrës mund të shohësh edhe atë që në vende tjera zakonisht fshihet nga turpi: arsyen përse Shqipëria për shumicën e turistëve evropianë – të cilët ajo i dëshiron kaq shumë – vazhdon të mos jetë një destinacion turistik. Vendi e ka mbijetuar izolimin brutal 50 vjeçar të Enver Hoxhës. Pikërisht aty duhet të ketë rrënjët mikpritja e pashembullt dhe çiltërsia e banorëve të Shqipërisë.

Më së voni nga Gjirokastra do të ju bëhet e qartë: Shqipëria është një vend që ia vlen ta vizitosh”, përfundon “kartolina” nga Gjirokastra, e shkruar nga redaktori i gazetës “St.Galler Tagblatt”.

LAJME INTERESANTE NGA INTERNETI