Futboll
Një miqësore Shqipëri-Kosovë në Zvicër ose Gjermani
Shqipëri - Kosovë mund të luhet në Gjermani ose Zvicër, ndërkohë që një ndër opsionet më të kuotuara është ai i Frankfurtit
Do të jetë një nëntor i zjarrtë për kombëtaren shqiptare. Shqipëria do të zbresë në fushë më 16 nëntor, në orën 20:45, në “Air Albania”, për të parën ndeshje historike me Italinë, një dëshirë e vjetër kjo për të gjithë futbolldashësit që ndjekin me simpati edhe futbollin italian dhe që tani plotësohet edhe falë krijimit të kushteve, me të kaltrit që nuk mundën të sigurojnë një biletë për në Botërorin e Katar, shkruajnë mediat shqiptare, përcjell albinfo.ch. Por nëntori i zjarrtë i kuqezinjve nuk mbaron këtu, pasi drejtuesit e Federatës shqiptare janë duke planifikuar edhe një tjetër miqësore përballë përfaqësueses së Kosovës.
Në lidhje me këtë takim, tratativat janë në fazën finale dhe është përcaktuar data e zhvillimit, më 19 nëntor, por ndërkohë mbetet për t’u përkufizuar edhe një detaj i rëndësishëm, ai i vendit të zhvillimit të takimit. Shqipëri – Kosovë mund të luhet në Gjermani ose në Zvicër, ndërkohë që një ndër opsionet më të kuotuara është ai i Frankfurtit.
Një takim i tillë do të ishte pa dyshim, përveçse një test i mirë sportiv, edhe një festë e vërtetë futbollistike për shqiptarët e shumë të diasporës, duke pasur parasysh numrin e madh të tyre në këto dy vende, me shqiptarët e Shqipërisë dhe Kosovës në emigrim që do të mund t’i japin jetë një vëllazëroreje të vërtetë festive për t’u bërë bashkë në zemër të kontinentit duke dhuruar një atmosferë vërtet emocinuese.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor