Një nga tetë fëmijët e pashoqëruar në Britani, vjen nga Shqipëria

Edhe pse Shqipëria nuk është në luftë, një numër i madh i qytetarëve janë larguar, përfshirë edhe fëmijët. Shumë prej tyre kanë shkuar në Britaninë e Madhe

KEYSTONE

Mediat britanike janë të shqetësuar për numrin e madh të azilkërkuesve shqiptarë në Britaninë e Madhe, sidomos fëmijëve. Harroni Sirinë dhe Irakun, një nga tetë fëmijët janë nga Shqipëria që nuk është në luftë, shkruan “Daily Mail”.

Siç shkruan e përditshmja angleze në përgjithësi janë 3175 fëmijët të pashoqëruar nga askush dhe që kanë kërkesë për strehim, përcjell albinfo.ch.

405 prej tyre, ose 13 për qind, u kryen nga të rinj nga Shqipëria. Ministrat janë përballur me akuza se pse lejuan kaq shumë fëmijë të vendosen në Britaninë e Madhe, madje është e paqartë se pse ky numër i madh vjen nga Shqipëria, një vend që nuk është në luftë.

Për dallim nga vendet e luftës, ata nga Shqipëria largohen për shkak të papunësisë apo gjendjes së rëndë ekonomike.

63 000 fëmijë të pashoqëruar kanë aplikuar për azil në shtetet e BE-së vitin e kaluar.