Lajme
Fotografia e këmbës së një shqiptari, në paketë cigaresh
Foto u zbulua nga djali i shqiptarit, i cili kishte blerë paketën gjatë një udhëtimi në Luksemburg
Një 60-vjeçar shqiptar është shokuar kur ka parë foton e tij të përdoret në një paketë cigaresh, si mesazh sensibilizues kundër konsumimit të duhanit.
Shqiptari që jeton në Metz të Francës ka prerë këmbën pas një incidenti në vendin e lindjes në vitin 1997, ndërkohë që foto e tij ishte shoqëruar në paketë me shkrimin: “Pirja e duhanit bllokon arteriet tuaja”.
Por, sipas avokatit të 60-vjeçarit, foto është përdorur pa lejen e tij, shkruajnë mediat shqiptare.
Foto u zbulua nga djali i shqiptarit, i cili kishte blerë paketën gjatë një udhëtimi në Luksemburg, përcjell albinfo.ch.
“Ai (vëllai) po kthehej nga Luksemburgu. Pa thënë asnjë fjalë vendosi kutinë e cigareve në tavolinë. U shtangëm. Nuk po na besohej. Aty është babai ynë, shenjat e tij janë karakteristike”, ka deklaruar vajza e shqiptarit për “Le Républicain Lorrain”.
Avokati Antoine Fittante thotë se i është drejtuar Komisionit Evropian për të mësuar se si foto e klientit të tij ka përfunduar në paketat që shiten në gjithë Bashkimin Evropian.
“Klienti im ndihet i tradhëtuar, i goditur në dinjitetin e tij, duke parë aftësinë e kufizuar të tij të shfaqet në paketë cigaresh, duhet të pranojmë se nuk është shumë e këndshme”, thotë avokati.
60-vjeçari dyshon se foto mund të ketë rrjedhur nga spitali ku kishte shkuar për konsultë, ndërkohë që në rastet kur foto të ngjashme përdoren për fushata sensibilzuese, procesi kalon në disa verifikime dhe publikimi bëhet me lejen e personit.
Të ngjashme
Të tjera nga Lajme
E-Diaspora
-
Lukas Mandl fton shqiptarët në një tubim të madhështor në Baden të Austrisë Eurodeputeti austriak, Lukas Mandl, është duke kërkuar mbështetje për të votuar që të rizgjidhet edhe një...
-
Studentja e Kosovës punësohet në njërën nga shkollat më prestigjioze në SHBA
-
Shqipja flitet më shumë në Cyrih, Winterthur, Bazel dhe St. Gallen
-
Nagavci: Mësimi i gjuhës shqipe në diasporë ka vlerë jashtëzakonisht të madhe
-
Gërvalla takon mërgatën në Stuttgart, i fton të marrin pjesë në regjistrimin e popullsisë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë