Një vaksinë e re mund të luftojë Alzheimerin

Shkencëtarët në University of New Mexico kanë zhvilluar një vaksinë premtuese kundër Alzheimerit, e cila synon proteinën “tau” — një proteinë që grumbullohet brenda qelizave të trurit dhe shkakton dëmtim nervor dhe humbje të kujtesës, raporton elixirofscience.com.

Ndryshe nga trajtimet ekzistuese që thjesht lehtësojnë simptomat, kjo vaksinë stimulon sistemin imunitar për të prodhuar antitrupa që shkatërrojnë proteinat tau dhe synojnë një nga shkaktarët kryesorë të sëmundjes.

Testet me minj të modifikuar gjenetikisht kanë treguar rezultate inkurajuese: depozitat e proteinës tau u reduktuan ndjeshëm, duke treguar se vaksina mund të parandalojë përparimin e dëmtimit nervor.

Përparimi është aq i madh sa që po përgatiten tashmë provat e para klinike tek njerëzit. Nëse gjithçka shkon mirë, kjo vaksinë mund të sjellë një ndryshim historik në trajtimin e Alzheimerit, duke kthyer shpresën për miliona njerëz nga një ëndërr e largët në një realitet të afërt.

Një e ardhme ku Alzheimeri mund të parandalohet ose të ndalet duket më e mundshme se kurrë.