Një i vdekur e pesë të lënduar në një aksident në Prizren

Zëdhënësi i Policisë së Kosovës, Daut Hoxha, ka konfirmuar aksidentin duke treguar se personi që ka vdekur dyshohet se është një i mitur

Një person ka vdekur dhe pesë të tjerë janë lënduar në një aksident në dalje të fshatit Piran në Prizren.

Zëdhënësi i Policisë së Kosovës, Daut Hoxha, ka konfirmuar aksidentin duke treguar se personi që ka vdekur dyshohet se është një i mitur. Ai ka shtuar se shkaku i aksidentit ka qenë mospërshtatja e shpejtësisë.

Të lënduarit janë dërguar në Qendrën emergjente të Prizrenit.

Policia e Kosovës ka apeluar te gjithë pjesëmarrësit në trafik që të jenë më të kujdesshëm gjatë vozitjes, sepse pakujdesia gjatë vozitjes po rezulton me humbje tragjike të jetëve njerëzore.