Një zviceran mes viktimave të sulmit të Hamasit ndaj Izraelit

Keystone (AP Photo/Fatima Shbair)

Një shtetas zviceran u vra në sulmet terroriste në Izrael në fundjavë, konfirmoi sot ministri i jashtëm zviceran Ignazio Cassis.

Ai ishte një shtetas i dyfishtë izraelito-zviceran në moshën pothuajse 70-vjeçare, shkruan swissinfo.

Në margjinat e një samiti të diplomacisë shkencore në Gjenevë ai ka thënë se nuk dihet shumë për vdekjen, megjithatë, ishte e qartë se vdekja e burrit ishte rezultat i një “takimi të pafat” me terroristët, përcjell albinfo.ch.

Ministria e Jashtme tha në faqen e saj të internetit se burri kishte jetuar në Izrael që nga viti 2004 dhe për arsye të privatësisë personale, nuk mund të jepeshin detaje të mëtejshme.