Lajme

Lidhja e Mjekëve Shqiptarë në Zvicėr mban Kuvendin e Jashtëzakonshëm Zgjedhor

Është bërë e ditur se Kuvendi i Jashtëzakonshëm Zgjedhor i Lidhjes së Mjekëve Shqiptarë në Zvicėr do të mbahet më 11.09.2021, nga ora 14:00, transmeton albinfo.ch.

Theksohet se ky takim do të jetë fizik, por edhe përmes platformës online Zoom.

Kujtojmë se Kuvendi i Dytë Zgjedhor ishte paraparë të mbahet në të njëjtën ditë me Simpoziumin e Dytë të Shkencave Mjekësore, më 21.11.2020, në Stadtspital Triemli në Zürich, por për shkak të situatës së përgjithshme të shkaktuar nga pandemia Covid-19, pas konsultimit me anëtarët aktivë të shoqatës u anulua mbajtja e tyre.

Njoftimi i plotë

I/e nderuar kolegë

Kemi kënaqësinë e veçantë t‘iu njoftojmë se Kuvendi i Jashtëzakonshëm Zgjedhor i Lidhjes së Mjekëve Shqiptarë në Zvicėr do të mbahet më dt. 11.09.2021 nga ora 14 (takim fizik si dhe përmes platformës online Zoom).

Siç e dini, Kuvendi i Dytë Zgjedhor ishte paraparë të mbahet në të njëjtën ditë me Simpoziumin e Dytë të Shkencave Mjekësore, me dt. 21.11.2020 në Stadtspital Triemli në Zürich, por për shkak të situatës së përgjithshme të shkaktuar nga pandemia Covid-19, pas konsultimit me anëtarët aktivë të shoqatës u anulua mbajtja e tyre.

Lidhur me programin e kuvendit si dhe vendin e mbajtjes, do t‘ju informojmë me kohë.

Shpresojmë në një pjesëmarrje sa më të lartë!

Me respekt,

Kryesia e LMSHZ-së.

[email protected]


LAJME INTERESANTE NGA INTERNETI