Lajme

Nuk ka asnjë shqiptar të vdekur apo të lënduar deri më tani në Turqi

E hënë, 6 Shkurt 2023 - 11:40 albinfo.ch

Keystone (IHA agency via AP)

Tërmeti i fuqishëm në Turqi ka lënë pas mbi 600 viktima, përcjell albinfo.ch.

Sipas raportimeve të Ambasadës së Shqipërisë në Tuqri, deri tani nuk ka asnjë shqiptar viktimë apo të lënduar.

“Ndërkohë, bazuar në komunikimin me Ambasadën e RSH në Turqi (që prej orëve të para të mëngjesit e deri tani) nuk ka informacion për shqiptarë të lënduar ose që mund të kenë humbur jetën. Do të komunikojmë në vijim për çdo info të përditësuar.

Për raste emergjente nga zonat e prekura nga tërmeti në Turqi qytetarët shqiptarë me banim atje mund të kontaktojnë në numrat emergjentë:

Ambasada e Republikës së Shqipërisë Ankara: +90 549 5611985

Konsullata e Republikës së Shqipërisë Stamboll: +90 539 6566219”, thuhet në njoftim.