Nuk ka raste të koronavirusit në Zvicër

Zyra Federale e Shëndetit Publik në Zvicër thotë se asnjë nga rastet e dyshuar nuk ka rezultuar pozitiv

Nisur nga situata e krijuar dhe shqetësimi për përhapjen e koronavirusit, Zyra Federale e Shëndetit Publik në Zvicër (BAG), ka publikuar një qëndrim zyrtar mbi situatën aktuale. Aty thuhet se deri tani asnjë nga rastet e dyshuara, të cilat janë ekzaminuar në Zvicër nuk ka rezultuar pozitive me koronavirus.

Sidoqoftë, bën me dije BAG, nuk përjashtohet mundësia për shfaqjen në të ardhmen të rasteve me koronavirus edhe në Zvicër, prandaj, Qeveria Federale, Kantonet dhe sistemi i kujdesit shëndetësor ka marrë masa për të përballuar eveniencën e përhapjes së koronavirusit në Zvicër, përcjell albinfo.ch.

Në bazë të vlerësimit aktual të situatës, është gjykuar se nuk është e nevojshme të kufizohen hyrjet në Zvicër.

---