Portrete të firmave
“Numarics”, mundësi për kontabilistët kosovarë të përfitojnë nga përvojat zvicerane
Kjo është një mundësi e artë për të gjithë ata që kanë zgjedhur profesionin e auditimit, kontabilitetit dhe financave

Të gjithë ata që dëshirojnë të kenë një profesion të mirë në tregun e punës dhe ata që dëshirojnë të specializohen në kontabilitet, auditim dhe financë, tashmë kanë një adresë për të trokitur.
Kompania e njohur zvicerane Numarics e ofron këtë mundësi, tashmë edhe në Prishtinë. Në eventin e mbajtur të enjten mbrëma shumë të rinj të pranishëm treguan interesim për këtë projekt me peshë dhe interesant.
Ky event është organizuar nga Numarics, së bashku me Shoqatën e Kontabilistëve të Certifikuar dhe Auditorëve të Kosovës, dhe është bashkëmbështetur nga Shoqata Zvicerane-Kosovare e Biznesit e BERZH.
Numarics është një kompani e njohur dhe me emër në Zvicër. Ka të punësuar mbi 140 profesionistë, ka gjashtë zyra në Zvicër dhe më shumë se 3 mijë klientë i kanë falur besimin kësaj kompanie.
Numarics është zgjedhja numër 1 për nevojat e kontabilitetit dhe menaxhimit të biznesit.
Tashmë kjo kompani po e zgjeron tregun e saj edhe në Prishtinë, që është një mundësi e artë për të gjithë ata që kanë zgjedhur këtë profesion.

Gent Shala nga Numarics deklaron se programi synon trajnimin dhe punësimin e kontabilistëve dhe auditorëve, posaçërisht për të përmbushur nevojat e kompanisë zvicerane.
Ndërsa Kristian Kabashi, bashkëthemelues i Numarics, ka folur për përvojën e tij ndërkombëtare në fushën e kontabilitetit dhe auditimit. Ai ka themeluar kompaninë Numarics në partneritet me Dominique Rey.
Ndërkohë, Ardiana Bunjaku nga Shoqata e Kontabilistëve të Certifikuar dhe Auditorëve të Kosovës (ShKÇAK) është shprehur se kjo është një mundësi e mirë për t’u specializuar në ndonjë sektor të caktuar të këtij profesioni.
Leonora Kusari nga Banka Evropiane për Zhvillim, duke ftuar të rinjtë të aplikojnë për t’u avancuar në Numarics, ka thënë se sa më shumë që të ketë kontabilistë e auditorë të përgatitur, aq më shumë ka mundësi për të marrë fonde nga BERZH-i. Të pranishmëve u është prezantuar QR kode, me anë të të cilit atyre u hapet mundësia për të aplikuar në programin e Numarics.
Të tjera nga Portrete të firmave
E-Diaspora
-
Nga Strellci i Deçanit, në Asamblenë e Komunës Horn të Austrisë “Të angazhohemi sa më shumë në politikë dhe në të gjitha sferat. Kështu jemi të integruar,...
-
Cyrih: Debat mbi shpëtimin e hebrenjve në Shqipëri
-
Zgjedhjet 2023
Një alternativë, zvicerani Alex Pfister, kandidat për zgjedhjet nacionale më 22 tetor 2023
-
Fillim i mbarë i ordinancës së mjekut shqiptar “Gefässmedizin Winterthur»
-
Edhe një investim nga Zvicra në Kosovë
Jeta në Zvicër
-
80% e të moshuarve në Zvicër, cak i mashtrimeve Mashtruesit targetojnë njerëz të moshuar, duke përdorur trukun e nipërve, telefonatat shokuese ose emailet e phishing....
-
Mospajtime për qiratë dhe kontratat e strehimit në Zvicër
-
Shtatori i vitit 2023, më i ngrohti në historinë e Zvicrës
-
Katër rregullat e reja në trafik që duhet t’i dini
-
Cyrih: Debat mbi shpëtimin e hebrenjve në Shqipëri