Tematike
Infeksionet po shtohen, shtrimet në spital stagnojnë: Përse është kështu?
"Efekti i vaksinës mbron më shumë njerëz mbi moshën shtatëdhjetëvjeçare. Kjo pastaj zvogëlon shkallën e shtrimeve në spitale dhe numrin e vdekjeve"
Në fillim të janarit Zvicrën e kishte kapluar frika se spitalet shumë shpejt nuk do të kishin më vend për pacientët e koronës. Por tani numri i njerëzve të infektuar me Covid në njësitë e kujdesit intensiv të po këtyre spitaleve, po bie ose po stagnon, shkruan srf.ch.
Kështu, në fillim të muajit mars, në njësitë e kujdesit intensiv ishin shtruar 187 pacientë ndërsa, në fund të muajit ishte 14 për qind më pak.
Shfrytëzimi i tillë i ulët i njësive të kujdesit intensiv është befasues, transmeton albinfo.ch. Sepse në të njëjtën kohë numri i rasteve është rritur në mënyrë të konsiderueshme, për javë të tëra.
Në fillim të marsit kishte pak më shumë se 1.000 infeksione të reja brenda ditës, në një mesatare 7-ditore, ndërsa numri në fund të muajit ishte tashmë 69 për qind më i lartë.
Cilat janë arsyet e këtij zhvillimi? Sipas Thomas Steffen, anëtar i bordit të Shoqatës së Mjekëve Kantonalë në Zvicër, fushata e vaksinimit në veçanti heq presionin mbi njësitë e kujdesit intensiv.
“Efekti i vaksinës mbron më shumë njerëz mbi moshën shtatëdhjetëvjeçare. Kjo pastaj zvogëlon shkallën e shtrimeve në spitale dhe numrin e vdekjeve”.
Por përkundër faktit se statistikat e reja janë një rrezë shprese, pandemia nuk ka mbaruar akoma.
Përqindja e mutacionit britanik duhet të ketë arritur tashmë 100 për qind të infeksioneve në Zvicër, paralajmëron infektiologu nga Aargau, Christoph Fux, përcjell albinfo.ch. Mutacioni i ri jo vetëm që është më ngjitës, por gjithashtu duket se çon në nivele më të larta të vdekshmërisë.
Të ngjashme
Të tjera nga Tematike
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter