Nuri Seferi në parameqin e Klitschko-s në Bernë

Për shkak të një operacioni në gjunj, boksieri shqiptar, gjatë dhjetë muajve të fundit ka qëndruar larg ringut

Më 8 korrik, në programin para meqit për kampion Bote që zhvillohet në Bernë në mes të Wladimir Klitschkos dhe amerikanit Tony Thompson, dorezat do t`i kryqëzojë edhe boksieri i njohur shqiptar Nuri Seferi.

I njohur edhe si “Tajsoni shqiptar”, Seferi tashmë 35 vjeçar, që jeton në Burgdorf të Bernes, është i njohur për luftën e tij të pakompromis në ring.

Për shkak të një operacioni në gjunj, boksieri shqiptar, gjatë dhjetë muajve të fundit ka qëndruar larg ringut.

Ai është shpallur pak muaj më parë edhe qytetar nderi i Gostivarit, qytetit të tij të lindjes.

Seferi, në karrierën e tij profesioniste ka zhvilluar 37 meqe, prej të cilëve 31 i ka fituar, (19 prej tyre para kohe) dhe 6 i ka humbur. Ai, më 8 korrik në Stade Suisse të Bernës do të boksojë kundër Marcus Landsmann Guilian Ilie.