OBSH: Varianti i ri i Covidit, më infektuesi

Nënvarianti i ri i koronavirusit HBV.1.5, i cili po përhapet me shpejtësi në shumë vende të botës, është më ngjitësi që është parë deri më sot. Lajmin e bën të ditur Organizata Botërore e Shëndetësisë.

Epidemiologia Dr. Maria Van Kerkhove u shpreh se nënvarianti i ri i Omicron është zbuluar tashmë në 29 vende dhe ndoshta ekziston edhe në më shumë në realitet. Lloji i ri ka mutacione që e lejojnë të infektojë dhe të shumohet shpejt, transmeton cnn, përcjell albinfo.ch.

“Ne jemi të shqetësuar për avantazhin e tij të transmetimit. Sidomos në disa vende të Evropës dhe Amerikës së Veriut, kryesisht në verilindje të SHBA-së, XBB.1.5 ka zëvendësuar shpejt variantet e tjera që ishin në qarkullim”, tha ajo, duke vënë në dukje se së shpejti do të publikohet nga OBSH-ja një vlerësim rreziku për HBV.1.5.

Po ashtu, agjencia shëndetësore e OKB-së me bazë në Gjenevë ka kritikuar për herë të parë sjelljen e Kinës. OBSH-ja deklaroi se vendi nuk po pasqyron në shifra situatën e vërtetë epidemiologjike.

Pritet që OBSH-ja të takohet sërish me shkencëtarët kinezë, ditën e sotme, për një përditësim rreth situatës globale të Covid-19.

 

---