Lajme

OKB: Koronavirusi mund ta dyfishojë numrin e të varfërve

Programi i Ushqimit Botëror nga OKB-ja paralajmëroi se impakti në ekonomi që ka shkaktuar koronavirusi mund të dyfishojë numrin e të varfërve në më shumë se 265 milionë persona.

E martë, 21 Prill 2020 - 18:45 albinfo.ch

Ilustrim

Në një deklaratë këtë të martë ata bëjnë thirrje që të merren masa të menjëhershme që ajo të mos bëhet realitet.

“COVID-19 është katastrofë për miliona persona që mbahen në fije të perit. Është një goditje e madhe për ata që kanë të ardhura vetëm sa të sigurojnë bukën e gojës”, shprehet kreu i ekonomisë së programit, Arif Husain.

Në të këtë raport të publikuar, shkruhej se në shumë shtete personat që kanë vështirësi ekonomike të tejskajshme nuk do të mund t’i rezistojnë për shumë gjatë impaktit të pandemisë.

“Shumë shtete do të vendosen përballë një zgjedhjeje të vështirë, të shpëtojnë pacientët nga koronavirusi, apo të shpëtojnë të varfrit nga uria” , vijon Husain.