Organizata zvicerane ndihmon QKMF-në e Malishevës

Organizata zvicerane AQH i ka dhuruar mjete të punës për Qendrën Kryesore të Mjekësisë Familjare në Malishevë. Donacioni i fundit që AQH e ka sjellë për QKMF-në, është në vlerë prej dy mijë eurove, transmeton aobinfo.ch.

Drejtori i Drejtorisë për Shëndetësi dhe Mirëqenie Sociale në Komunën e Malishevës, Liridon Hoti, ka falënderuar këtë organizatë, duke thënë se ky donacion është në vazhdën e përkrahjes së tyre për shëndetësinë në Malishevës.
“Në emër të drejtorisë, e falënderoj organizatën AQH, e cila ka dhënë shumë për Malishevën dhe në vazhdimësi është duke e përkrahur QKMF-në, si në mjete pune, ashtu edhe trajnime profesionale, dhe të gjitha këto me qëllim të rritjes së cilësisë në ofrimin e shërbimeve shëndetësore për qytetarët e Komunës së Malishevës”, tha drejtori Hoti.