Osmani: Festa e Pashkëve shënon triumfin e të mirës ndaj të keqes

Kandidatja për presidente, Vjosa Osmani, ka uruar besimtarët katolikë për festën e Pashkëve.

Sipas saj, kjo ditë shënon triumfin e të mirës ndaj të keqes, njofton Klan Kosova.

“Sot, besimtarët katolikë festojnë Pashkët. Kjo ditë shënon triumfin e të mirës ndaj të keqes. Bota, sikurse edhe ne, po përballet me pandeminë Covid-19. Të goditur nga kjo e keqe edhe kremtet janë transformuar”.

“Në këtë ditë feste kam veç një urim. Që në një të ardhme të afërt, secilën festë ta presim bashkë, që ta kemi mundësinë secilit t`ia zgjatim dorën, ta urojmë e ta përqafojmë!”.

“Festa e Pashkëve shpërfaqë dashurinë, tolerancën dhe zemërgjerësinë, të cilat populli ynë i kultivon në vazhdimësi. Le të na sjellin Pashkët mirësi e begati për mbarë kombin shqiptar!”.