Osmani në Këshillin e Sigurimit të OKB-së, flet për dhunimet seksuale të kryera gjatë luftës

Presidentja e Kosovës, Vjosa Osmani, para anëtarëve të Këshillit të Sigurimit të Kombeve të Bashkuara ka folur për dhunimet seksuale të kryera gjatë luftës së fundit në Kosovë.

Përmes një postimi në rrjetin social “Facebook”, ajo ka njoftuar se ka falënderuar Shqipërinë për nismën, si dhe për ftesën që të flasë në emër të Republikës së Kosovës, përcjell albinfo.ch.

“Falënderoj Shqipërinë për nismën, si dhe për ftesën që të flas në emër të Republikës së Kosovës, duke u dhënë kështu zë mijëra të mbijetuarëve të dhunës seksuale në luftën e fundit në Kosovë. Mirënjohëse edhe ndaj Shteteteve të Bashkuara të Amerikës dhe Mbretërisë së Bashkuar, si bashkërorganizatorë të kësaj seance”, ka shkruar ndër të tjera ajo.