Pacolli falënderon Zekajn që zgjodhi Kosovën

Behgjet Pacolli/Fb

Zëvendëskryeministri i Kosovës, njëherësh ministër i Punëve të Jashtme, Behgjet Pacolli, është takuar me futbollistin Arton Zekaj.

Zekaj, i cili më parë luante në një ekip në Serbi dhe në Francë, së fundmi iu bashkua Kombëtares së Kosovës, e për këtë, e ka falënderuar edhe Pacolli, përcjell albinfo.ch.

“Para dy vitesh, Vokrri në emër të Kosovës iu pat drejtuar Arton Zekajt, ish-kapiten i U16 dhe U17 të Serbisë, duke e ftuar që t’i bashkohet kombëtares së Kosovës. Artoni është aktiv në futboll që nga mosha 6 vjeçare, duke ju bashkuar në fëmijërinë e hershme Akademisë së Futbollit të Partizanit. Pas shumë kërkesave të shumë klubeve evropiane, Artoni i është bashkuar nënkampionit të Francës, Lille, përderisa FIFA ka lejuar që Artoni t’i bashkohet U21 të Republikës së Kosovës”, ka shkruar Pacolli.

Tutje, Pacolli ka thënë se është momenti që Zekaj të shkëlqejë si yll në ngritje, në Francë e Kosovë.

“Para dy vitesh, Vokrri në emër të Kosovës iu pat drejtuar Arton Zekajt, ish-kapiten i U16 dhe U17 të Serbisë, duke e ftuar që t’i bashkohet kombëtares së Kosovës.

“I ri, shtatlartë, i shpejtë, i fuqishëm, me talentin e rrallë në lojën në mesfushë, Zekaj do të jetë një shtyllë lidhëse mes mbrojtjes dhe sulmit të kombëtares sonë”, ka shtuar ai, përcjell albinfo.ch.