Paditen policët për keqtrajtim të eritreanit

Dy pjesëtarë të policisë së qytetit të Lozanës ngarkohen nga prokuroria e kantonit Vaud për keqtrajtimin e një të riu nga Eritrea. Sipas padisë, ata kanë bërë shkelje të detyrës së tyre duke i hedhur 16 vjeçarit sprej në fytyrë dhe duke e lënë atë të vetëm në një pyll, natën e vitit të ri 2006. Kjo është hera e tretë që policët në fjalë ndodhen para gjyqit. Ata fillimisht nga shkalla e parë ishin shpallur të pafajshëm, dhe, vendimin për lirim e kishte vërtetuar edhe Gjykata e Kantonit. Por, pastaj lënda ishte dërguar në Gjykatën Federale, e cila ka vendosur që çështja të kthehet në rigjykim.Prokuroria Kantonale ka kërkuar që dy policët të dënohen me nga 20 njësi ditore me kusht.