Pak net me gjumë të keq mjaftojnë për të shkaktuar telashe në tru

Vetëm pak net të këqija mjaftojnë për prishjen e kontrollit të sheqerit në gjak dhe “detyron” që njerëzit të hanë më shumë se që kanë nevojë

Falë kthimit të orës, të gjithë arritën të bënin një orë më shumë gjumë.

Dhe kjo nuk është gjë e keqe sepse sipas të dhënave të fundit njerëzit flenë jomjaftueshëm.

Shumë studime kanë treguar se prishja e gjumit shkakton telashe serioze në trupin e njeriut. Vetëm pak net të këqija mjaftojnë për prishjen e kontrollit të sheqerit në gjak dhe “detyron” që njerëzit të hanë më shumë se që kanë nevojë.

Një ekspert i disa vjetëve më parë nga “Trust Me I’m a Doctor” dhe Surrey University ka gjetur se njerëzit që flenë më pak kanë më shumë lidhje me gripin dhe diabetin.

Në eksperiment, u rekrutuan katër vullnetarë që flenë normalisht. Atyre u monitorua gjumi dhe për tri net u lejuan të flenë nga tetë orë pa iu shkaktuar ndërprerje. Për tri netët e ardhshme, ata u lejuan të flenë vetëm nga katër orë. Çdo ditë atyre u bënë pyetje psikologjike për të treguar ndryshimet në disponim të tyre.

Sarah Reeve, studente që ishte pjesë e eksperimentit ishte e habitur se sa shpejti i kishte ndryshuar disponimi.

“Kishte rritje të anktheve, depresionit dhe stresit, po ashtu rritje të paranojës dhe ndjenjës së mosbesimit në njerëz. Kjo ndodhi pas vetëm tri netëve me probleme”,  ka thënë ajo.