Lajme
Paralajmërohen tërmete tjera në Turqi, njerëzit nisin të zhvendosen nga Stambolli
Turqia po përjeton një nga fatkeqësitë më të mëdha të tërmeteve në historinë e saj. Frika prej tyre është e madhe, jo vetëm në qytetet e rrafshuara, por edhe në Stamboll. Që prej momentit të paralajmërimeve të ekspertëve se një tërmet i mundshëm i Marmarasë, do të prekë rreth 20 milionë njerëz në Stamboll, qytetarët kanë nisur të zhvendosen në vende të tjera. Kudo ndjehet paniku dhe frika e madhe. Midis tyre, njerëzit kujtojnë vargjet e një kënge të vjetër turke: “Le të ikim nga këtu. Po ku?”
Sipas Hartës zyrtare të Rrezikut të Tërmeteve në Turqi, përgatitur nga AFAD, provincat që janë në zonën e tërmetit të shkallës 4 ose 5, pra “rrezik të ulët tërmeti” janë: Kırklareli, Edirne (përveç Gjirit të Sarozit), Bartın, Zonguldak dhe Kastamonu,transmeton cnn përcjell albnfo.ch.
“Gjatë periudhës së pandemisë, kishte nga ata që kërkonin një shtëpi private, por shumë pak blenë në të vërtetë. Ndërsa së fundmi, ka pasur një kërkesë të madhe. Kırklareli është një nga provincat më pak të prekura nga tërmetet, ndaj dëshira për të blerë aty është shumë e madhe. Njerëzit po kërkojnë një tokë të veçuar, ku mund të ndërtojnë një shtëpi parafabrikat në vend të një rezidence. Për momentin, nuk ka rritje të çmimit të tokës. Sidomos në fshatra, çmimi vazhdon i njëjtë, kushton 1000 lira për metër katror, afërisht 50 euro.”, tha Ümit İkizlerli, President i Shoqatës së Konsulentëve të Pasurive të Paluajtshme Kırklareli.
Qyteti i Edirnesë gjithashtu ka pasur rritje të kërkesave nga qytetarët që kërkojnë të blejnë ose të marrin me qira një shtëpi. E njëjta tendencë po vihet re edhe në periferitë e Edirnesë, por vështirësia në këto vende është se ato ndodhen larg qendrave urbane, nuk kanë infrastrukturën e duhur, nuk kanë rrugë, madje as dyqane apo banka.
Ata që kanë vendosur të blejnë toka në një nga zonat e sigurta, po kërkojnë të ndërtojnë një shtëpi parafabrikat. Por, çmimet krahasuar me ato para tërmetit, u rritën me 20-30 për qind. Çmimet e banesave të vogla fillojnë nga 500-600 mijë lira (25-35 mijë euro), ndërsa një shtëpi parafabrikat 40 metra katrorë kushton nga 100-150 mijë lira.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore