Lajme
Ministri i Shëndetësisë apelon për respektim masash anti-COVID
Ministri i Shëndetësisë kosovare, Armend Zemaj, i ka paralajmëruar të gjithë qytetarët e Kosovës që t’i respektojnë masat anti-Covid, ndryshe do të ballafaqohen me gjobë, raporton Express, transmeton Albinfo.ch.
Zemaj pas rritjes së numrit të rasteve me Covid në Kosovë, e posaçërisht në Prishtinë, ka deklaruar se policia në bashkëpunim me inspektoratet do të jenë gjatë gjithë kohës në terren dhe personat që nuk i respektojnë masat anti-Covid, si vendosja e maskës e mbajtja e distancës, do të përballen me dënime nga ana e këtyre institucioneve. E shtimi i rasteve, sipas Ministrisë, ka ardhur si pasojë e mosrespektimit të masave anti-Covid nga ana e qytetarëve.
“Po vazhdojmë me bashkëpunim me të gjithë kryetarët e komunave. Kohëve të fundit jemi përballur me një rritje të numrit të rasteve me Covid pozitivë edhe në kryeqytet. Biseduam me kryetarin edhe për një menaxhim më të mirë të situatës. Koordinomin me Inspektoratin e Policinë”, ka deklaruar Zemaj.
Tutje ai ka thënë se monitorimi i situatës do të bëhet në bazë të dy elementeve.
“Shtimi i mbikëqyrjes, koordinimi më i mirë dhe llogaridhënia për të gjithë neve. Mbajtja e maskës, higjienës është kushti themelor”, thotë tutje ministri.
Tutje ai ka deklaruar se megjithëkëtë, Kosova mbetet në listën e vendeve që janë në pozitën më të mirë sa i përket shtrirjes së koronavirusit në popullatë.
“Jemi një ndër pesë vendet për situatën më të mirë epidemiologjike në Kosovë. Nuk duam që të kthehemi në të portokalltën e as në të kuqën. Duhet disiplinë që ta mbajmë ekonominë gjallë. Do të intervenojmë që të shtojmë mbikëqyrjen. Do të ketë sanksione për ata që nuk i respektojnë masat”, thotë ai.
E nga Ministria e Shëndetësisë deklarojnë se rritja e numrit të rasteve pozitive me Covid gjatë ditëve të fundit në ka ardhur kryekëput si pasojë e mosdisiplinës së qytetarëve.
“Rritja e numrit të këtyre ditëve është nga mosdisiplina individuale. Kjo situatë nuk i konvenon askujt. Dje kemi pas një vdekje të vitit 1933, besoni ai rast nuk ka dal prej shtëpisë. Dikush ia ka çu virusin atij në shtëpi”, thotë Zemaj.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
SWISS do të rifillojë fluturimet për në Tel-Aviv të premten Linja ajrore kombëtare do të nisë sërish fluturimet për në qytetin izraelit nga nesër, përcjell albinfo.ch....
-
Mungesa e banesave në Cyrih dhe qiratë e larta nxisin trendin e ‘sublet’
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut
-
Mbi 60 trena shtesë drejt Ticinos gjatë fundjavave në maj