Lajme

“Parandalo” dhe Konsullata e Kosovës shënojnë 10 Dhjetorin – Ditën e të Drejtave të Njeriut

Shoqata Parandalo, në bashkëpunim me Konsullatën e Republikës së Kosovës në Cyrih, me rastin e 10 Dhjetorit – Ditës Ndërkombëtare të të Drejtave të Njeriut

E martë, 9 Dhjetor 2025 - 23:10 albinfo.ch

Shoqata Parandalo, në partneritet me Konsullatën e Republikës së Kosovës në Cyrih, organizon aktivitetin solemn kushtuar 10 Dhjetorit – Ditës Ndërkombëtare të të Drejtave të Njeriut, ditë që shënon miratimin historik të Deklaratës Universale të të Drejtave të Njeriut.

Ky aktivitet synon të theksojë rëndësinë e angazhimit të përbashkët dhe ndërinstitucional në mbrojtjen, promovimin dhe avancimin e të drejtave dhe lirive themelore të njeriut, duke vënë në qendër dialogun komunitar, pjesëmarrjen dhe përgjegjësinë shoqërore.

Data: E enjte, 11 dhjetor 2025

Ora: 18:00

Vendi: GZ Oerlikon, Gubelstrasse 10, 8050 Zürich

Të interesuarit ftohen të konfirmojnë pjesëmarrjen deri më 10 dhjetor 2025 në: [email protected]

ose në numrin: 076 233 11 10

Me respekt,

Kryesia e Shoqatës Parandalo