Kosova
“Paraqitja kontroverse e Kurtit në PS: Pjesë e një historie të vërtetë suksesi”
"Nëse paraqitjet si ajo e Kurtit ndihmojnë në rritjen e interesit (të të rinjve shqiptarë) për politikën zvicerane - aq më mirë", shkruajnë gazetat zvicerane
Lidhur me praninë e paralajmëruar të kryeministrit të Kosovës, Albin Kurti, në fushatën zgjedhore të Partisë Socialdemokrate (SP) të Zvicrës kanë shkruar gjerësisht mediat zvicerane sot. Në varësi nga përkatësitë partiake dhe pereferencat politike, reagimet kanë qenë të ndryshme, shkruan albinfo.ch. Duke pasur parasysh spektrin politik zviceran, të mbizotëruar nga partitë e djathta, është e kuptueshme që të ketë më shumë zëra kritikë se sa miratues.
Ndër këta të fundit që vizitën e Kurtit e shohin nga një perspektivë pozitive, është komenti i kolumnistit Jörg Ackermann, i botuar në disa gazeta zvicerane, ndër të tjera, në gazetën Tagblatt dhe Zuger Zeitung.
Në vazhdim, komenti i tij, i përkthyer shqip.
Para zgjedhjeve të vjeshtës, disa parti garojnë për votat e popullatës etnike shqiptare në Zvicër, mbi të gjitha PS-ja. Tashmë edhe kreu i qeverisë së Kosovës, Albin Kurti, duket se do “t`i bie daulles” propaganduese për “kameradët” (shokët e partisë simotër, të majtë). Kjo është një shenjë e mirë.
Ndoshta nuk ka asnjë grup emigrantësh, imazhi i të cilit ka ndryshuar për mirë vitet e fundit si ai i Kosovës, transmeton albinfo.ch. E nisën futbollistët. Pa Xhakën, Shaqirin apo Behramin, nuk do të kishte ngritje në kombëtaren e Zvicrës. Pastaj erdhi muzika. Shumë yje të rinj të estradës zvicerane si EAZ apo Loredana kanë rrënjë shqiptare.
Dhe tani politika: Në pranverë, Ylfete Fanaj nga Lucerni ishte politikania e parë me prejardhje kosovare që u bë pjesë e një qeverie kantonale.
Nuk është çudi që disa parti po konkurrojnë për votat e diasporës kosovare në prag të zgjedhjeve të vjeshtës, mbi të gjitha PS-ja. Tani shefi i qeverisë së Kosovës, Albin Kurti, thuhet se do të ndihmojë shokët nga PS. Palët e tjera janë të indinjuar, por ky eksitim i tyre është vështirë të kuptohet. Aq më tepër që është e diskutueshme se sa të rinj kosovarë të brezit të dytë, me imazhin e tyre familjar ndonjëherë shumë tradicional, do të votojnë për PS-në.
Diçka tjetër është e rëndësishme këtu: Studime të ndryshme kanë treguar se pjesëmarrja në votime e popullsisë etnike shqiptare (në Zvicër) është shumë e ulët, shumë më e vogël se ajo e komuniteteve të tjera të huaja.
Prandaj, nëse paraqitjet e Kurtit ndihmojnë në rritjen e pjesëmarrjes dhe interesimit të tyre për politikën zvicerane – aq më mirë, transmeton albinfo.ch. Kushdo që voton, tregon se dëshiron të ndihmojë në ngritjen e “shtëpisë” së tij të re (Zvicrës). Nuk ka një formë më të mirë të integrimit. Do të ishte një hap i mëtejshëm drejt një historie të vërtetë suksesi.
Të ngjashme
Të tjera nga Kosova
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse