Lajme
Parlamenti gjerman rrit sigurinë pas trazirave në Kongres të SHBA-së
Masat e sigurisë janë rritur në Parlamentin e Gjermanisë pas trazirave në Kongresin në SHBA këtë javë.
Presidenti i Bundestagut të Gjermanisë, Dhomës së Ulët të Parlamentit gjerman, i ka njoftuar deputetët për shtimin e masave të sigurisë, njofton “Bild am Sonntag”, përcjell Albinfo.ch.
“Policia e Berlinit ka aranzhuar shtimin e forcave të sigurisë rreth ndërtesës së Reichstagut”, ka shkruar Wolfgang Schaeuble, në një letër drejtuar deputetëve.
Zëdhënësja e Bundestagut ka konfirmuar se Schaeuble u ka shkruar letër deputetëve për t’i informuar për situatën, por nuk ka komentuar më tutje.
“Bild am Sonntag” po ashtu ka raportuar se Schaeuble i ka kërkuar Ministrisë së Jashtme një raport për dhunën në Washington dhe “të qartësojë me qeverinë federale dhe shtetin e Berlinit se çfarë konkludime duhet të merren për sigurinë në Bundestag”.
Përkrahësit e zemëruar pro-Donald Trump, të mërkurën u futën në Kongresin në SHBA, ku po certifikohej rezultati i zgjedhjeve presidenciale të nëntorit. Pesë persona kanë vdekur nga trazirat, përfshirë një polic.
Në Berlin, protestuesit kundër masave të vendosura nga Qeveria për ta luftuar pandeminë, ishin ngjitur deri në shkallët e ndërtesës së Parlamentit në gusht.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf