Shqiprim Arifit, fitues i zgjedhjeve në Preshevë

Është bërë e ditur se Alternativa për Ndryshim (APN), e udhëhequr nga Shqiprim Arifi, sipas rezultateve preliminare ka fituar zgjedhjet lokale në komunën e Preshevës, transmeton albinfo.ch.

Mediat kosovare shkruajnë se Shqiprim Arifi kryeson me 14 këshilltarë, ndërsa në vend të dytë, Partia Demokratike Shqiptare e Ragmi Mustafës, me 9 këshilltarë. Ardita Sinani me PVD ka dalë vetëm e treta me 7 këshilltarë.

Sami Salihu me Lëvizjen për Reforma ka marrë 5 deputetë, UDSh 1 këshilltar, ndërsa partitë serbe 2 këshilltarë.

Ky rezultat është nga numërimi i 95 për qind e votave. Pjesa prej 5 për qind e votave janë bllokuar, pasi ka fakte qe ka pasur parregullsi gjatë votimit. Nëse kjo zyrtarizohet, atëherë zgjedhjet mund të përsëriten në dy njësi.