Pas xhudos, Kosova mposhtë Serbinë edhe në karate

Karateisti Rigon Baruti ka rrëmbyer medaljen e artë në Kampionatin Mediteran që po mbahet në Turqi, teksa në finale ka mposhtur një garues serb, shkruan albinfo.ch.

Lajmin e ka bërë të ditur Federata e Karatesë së Kosovës përmes një postimi në Facebook.

“Lajme të mira nga Kampionati i Mediteranit që po mbahet në Antalia të Turqisë – Rigon Baruti i artë. Këtë e arriti në kategorinë e kadetëve deri 57 kilogram. E veçanta e kësaj të arriture është fitorja ndaj dy garuesve nga Serbia, e sidomos në finale”, thuhet në njoftimin e Federatës.

Po ashtu, gjatë ditës së djeshme, xhudistja Distria Krasniqi në Grand Prix të Turqisë, kishte mundur xhudistet nga Serbia, Korea e Jugut dhe Kazakistani, teksa fitoi medalje të artë.

Po ashtu, në Kampionatin e Mediteranit që po mbahet në Antalia të Turqisë, Kosovës i kanë sjellë tri medalje të bronzta Melos Gashi, Elton Musliu dhe Endrit Shaqiri, kurse një medalje të argjendtë nga Betim Maliqi, përcjellë albinfo.ch.