Për çfarë page kosovarët nuk do të largoheshin nga Kosova?

Një hulumtim nga Instituti për Kërkime Ekonomike, thotë se paga mesatare që do të ndalonte qytetarët të largoheshin nga Kosova është 600 deri në 800 euro, ndërsa paga më e lartë që kanë kërkuar të anketuarit është rreth 1 mijë euro.

Sipas hulumtimit që ky institute ka bërë me pyetjen “Për sa para nuk do të largoheshit nga Kosova”, i njëjti institute ka anketuar qytetarët që largimin nga Kosova e shohin si alternativë, e kjo për shkak të papunësisë dhe mungesës së të ardhurave mujore.

Hulumtimi tregon se pagat e sektorit publik përmbushin kërkesat e qytetarëve për pagat e tyre ideale, përderisa pagat në sektorin privat vazhdojnë të jenë të vogla.

“36% e të anketuarve besojnë që paga 600-800 euro është e mjaftueshme për të qëndruar në Kosovë. 20% e të anketuarve ju mjafton paga 400-600 euro. 18% dëshirojnë paga 800-1000 euro. Pagën mbi 1000 euro e shohin si opsion për të mos u larguar nga Kosova 16% e të anketuarve. 10% janë pajtuar me pagën solide 200-400 euro”, shkruhet në hulumtim.