Për çka do të votojnë zviceranët të dielën në referendum (VIDEO)

Zviceranët të dielën do të dalin në referendum për të votuar për të mbrojtur cilësinë e ushqimit «Fair-Food», përcjell albinfo.ch.

Zviceranët të dielën do të dalin në referendum për të votuar për të mbrojtur cilësinë e ushqimit «Fair-Food», përcjell albinfo.ch.

Zvicra është më së shumti shoqëri urbane, por bujqësia është një pjesë e rëndësishme e identitetit të saj kulturor, e cila sipas iniciatorëve është e kërcënuar nga importet e ushqimit të lirë që dëmton standardet e larta zvicerane.

Prandaj, votimi zviceran të dielën në dy referendume do të vendosë për të ardhmen e industrisë ushqimore.

Referendumi është planifikuar, pasi përkrahësit i mblodhën më shumë se 100 mijë nënshkrime, siç parashihet me ligjin për demokracinë e drejtpërdrejtë në Zvicër.

Referendumi i parë është i njohur si «Fair-Food», kërkon nga qeveria federale për të nxitur prodhimin ekologjik dhe të drejtë të ushqimit. Po ashtu është propozuar etiketimi më i hollësishëm i produkteve dhe miratimi i masave antidumping.

Është propozuar po ashtu rritja e numrit të të punësuarve në bujqësi, duke vendosur çmime më të drejta për të gjitha produktet dhe rritjen e taksave mbi ushqimet e importuara.

Kundërshtarët, përfshirë qeverinë zvicerane, besojnë se miratimi i këtyre kërkesave do të çojë në rritjen e burokracisë dhe kostove, dhe do të sjellë vendin në konflikt me marrëveshjet ekzistuese të tregtisë ndërkombëtare.

---