Koronavirusi: çast pas çasti

Për shkak të koronavirusit, anulohet festivali i birrës Oktoberfest

E martë, 21 Prill 2020 - 12:30 albinfo.ch

Festivali i përvitshëm i birrës Octoberfest, që organizohet në Bavari të Gjermanisë, është anuluar për shkak të pandemisë së koronavirusit.

Oktoberfest do të duhej të mbahej nga data 19 shtator deri më 4 tetor.

Zakonisht, atë e vizitojnë rreth 6 milionë njerëz.

Anulimi pritet t’i japë një goditje të madhe ekonomisë së Mynihut – qytetit ku organizohet festivali.

Reuters thotë se festivali gjeneron më shumë se 1 miliard euro për Mynhun çdo vit.

Gjermania ka nisur të lehtësojë disa masa kundër koronavirusit, por ka thënë se distancimi fizik do të mbetet në fuqi, përcjell Albinfo.ch.

 Të tjera nga Koronavirusi: çast pas çasti

OBSH: Vdekjet nga Covid-19, tri herë më shumë se sa raportohen

 E-Diaspora

 Jeta në Zvicër